Bálvalusat olbmuide geain leat doaibmahehttejumit (TMU), fállet bálvalusaid olbmuide geain leat doaibmahehttejumit. Dat sáhttá leat olbmo iežas ruovttus.
Bálvalusat fállojuvvojit guorahallamiid/diagnosaid, basisregistreremiid, bienalaš beaiveplánaid ja birasnjuolggadusaid vuođul. Bálvalusas leat birasterapevttat, fágabargit, birasbargit ja dikšunmielbargit.
Bálvalusa ulbmil
Bálvalusvuostáiváldái galgá eanemus lági mielde addit vejolašvuođa birget árgabeaivválaš bargguid nugo ADL-hárjehallan, persovnnalaš dikšun ja servvoštallan. TMU galgá sihkkarastit ovttaskas bálvalusvuostáiváldái jierpmálaš ja einnostahtti eallima, mas áimmahuššá bálvalusvuostáiváldi dárbbu veahkkái, geavaheaddjimielváikkuheapmái, einnostahttivuhtii ja oadjebasvuhtii.
Geat sáhttet oažžut ássansearvevuođafálaldaga?
TMU ulbmiljoavku leat badjel 18-jahkásaš olbmot geain leat eamidoaibmahehttejumit dahje leat árrat buohccán doaibmahehttejumiide.
Bálvalussii gullet maiddái
Birasterapiija nugo ADL-hárjehallan, čielga árgabeaivválaš barggut ja persovnnalaš dikšu, servvoštallan, fierpmádathuksen ja nannen sosiála oktavuođain.
Mii fállat veahki namuhuvvon bargguide. Mieđušteapmi sosiála doaluide ráddjejuvvojit mearrádusas. Mii fállat veahki tiimmaid vuođul mat leat mearrádusas.
Bálvalusvuostáiváldi oažžu dábálaččat váldogulahallanolbmo ja sekundáragulahallanolbmo bálvalusas go bálvalus lea fágalaččat árvvoštallan ohcamuša. Váldogulahallanolbmos lea váldoovddasvástádus bálvalusvuostáiváldái ja sáhttá maiddái leat rávis bálvalusvuostáiváldiid individuála plána koordináhtor.
Bálvalussii ii gula
- Stobu birrabassan
- Biebmoelliid bearráigeahččan
Bálvalusa haddi
- Praktihkalaš veahki hattiid mearrida gielddastivra jahkásaččat.
- Gielddastobus mearriduvvo láigu sierra máksomeriid vuođul mat leat láigošiehtadusas.
- Gieldda iežas máksomearit mearridit iežasoasi idjadanmátkkiid oktavuođas.
- Gieldda iežas máksomearit mearridit sáhttogoluid go gieldda biila geavahuvvo.