Bálvalusa ulbmil
Bálvalus galgá addit sosiála oktavuođa ja eastadit oktovuođa. Dat galgá addit jierpmálaš árgabeaivvi ovttas earáiguin ja addit dutnje vejolašvuođa beassat orrut ruovttus nu guhká go vejolaš.
Geat sáhttet oažžut beaiveguovddážii saji?
- Boarrásat geat orrot ruovttus ja geat dárbbašit sosiála oktavuođa
- Boarrásat geat orrot ruovttus ovttas oapmahaččaiguin geat dárbbašit duddema
- Boarrásat geat dárbbašit veahki doalahit fysalaš ja psyhkalaš dáidduid
- Don dárbbašat stimulerema ja aktivitehta bisuhit árgabeaivválaš aktivitehtaid
- Don dárbbašat servvoštallama vai dovddat oadjebasvuođa vai sáhtát ruovttus orrut guhkimus lági mielde.
- Beaivefálaldat ruovttusorru olbmuide geain lea demeansa.
Geavaheaddji mobilitehta árvvoštallojuvvo go juolluduvvo beaiveguovddášsadji.
Bálvalussii gullá maiddái
- Sáhttu fállojuvvo buohkaide geaidda juolluduvvo beaiveguovddášbálvalus. Olmmoš vállje ieš dárbbaša go dan. Sáhttu lea heivehuvvon juvlastuollogeavaheddjiide ja vuodjá dáluid mielde. Sáhttobálvalusas máksojuvvo iežasoassi.
Maid mii vuordit dus
- Don dieđihat beaiveguovddážii jus it boađe
- Don leat olmmošlaš eará geavaheddjiiguin beaiveguovddážis
Maid don sáhtát vuordit mis
- Mii vástidat áinnas du gažaldagaide
- Mii láhčit dili jierpmálaš árgabeaivái
- Mii heivehat aktivitehtaid nu ahte don sáhtát searvat
- Mis lea jávohisvuođageasku ja leat olmmošlaččat
Bálvalusa haddi
Kárášjoga gieldda beaiveguovddášsaji ja sáhttobálvalusa hattiid mearrida gielddastivra jahkásaččat.