Doarjjaolmmoš lea veahkkefálaldat searvat doaimmaide olggobeale ruovttu ja addit ovttaskas olbmui jierpmálaš astoáiggi mas oažžu vejolašvuođa hálddašit iešguđet eallindilálašvuođaid ja vejolaččat veahkehit addit eanet iešheanalašvuođa ja viiddidit sosiála fierpmádaga. Doarjjaolmmoš galgá addit persovnnalaš veahki, ja geavaheaddji galgá beassat váikkuhit bálvalussii ja stivret dan. Bálvalusa sáhttá addit individuálalaččat.
Doarjjaolmmoš lea dábálaččat olmmoš fágagelbbolašvuođa haga, muhto sus lea jávohisvuođageasku:
- Galledit geavaheaddji ruovttus.
- Mieđuštit geavaheaddji aktivitehtaide nugo kinoi
- Valáštallandoalut
- Dahje eará aktivitehtat
Bálvalusa ulbmil
Ulbmil lea ovddidit dearvvašvuođa, eastadit dávddaid dahje vigiid vai geavaheaddji sáhttá orrut guhkimus lági mielde iežas ruovttus.
Geat sáhttet oažžut doarjjaolbmo?
Olbmot geat hedjonan doaibmanávccaid dahje sosiála hástalusaid geažil dárbbašit veahki searvat doaimmaide ruovttu olggobealde.
- Gáibiduvvo doavttirduođaštus oažžut bálvalusa.
- Bálvalusvuostáiváldi galgá leat sorjavaš veahkis go áigu searvat sosiála doaimmaide
- Bálvalusvuostáiváldái galgá leat ávki searvat iešguđetlágan doaimmaide
- Bálvalus juolluduvvo eanemusat 4 tiimma vahkkui. Erenoamáš dilálašvuođas sáhttá rasttildit dán rájá individuála dárboárvvoštallamiid vuođul
- Bálvalus ii juolluduvvo oapmahaččaid duddendárbbu, praktihkalaš veahki dahje dearvvašvuođaveahki geažil.
- Bálvalus ii juolluduvvo mánáide vuollil 16 jagi, go dán joavkkus hárve lea iešheanalaš kultur- ja astoáigeeallin
- Bálvalus ii vuoruhuvvo ásahusa ja ássansearvevuođa ássiide geain lea birrajándordikšun- ja -fuolahusbálvalusat.
Bálvalussii ii gula
- Ruovttuveahki barggut
- Doaimmahit medisiinnalaš prosedyraid / dikšut
Bálvalusa haddi
Bálvalus lea nuvttá
Maŋemusat rievdaduvvon 29.06.2022 10.25