Eavttut

BPA lea sin várás geat leat vuollil 67 jagi ja dárbbašit veahki 2 jagi ja eanet go 32 tiimma vahkkui, dahje geat dárbbašit bálvalusa 25–32 tiimma vahkkui, jus gielda ii sáhte duođaštit ahte dákkár organiseren dagaha stuorra goluid gildii 

Bálvalusa ulbmil

Ovddidit sosiála oadjebasvuođa, buoridit heajosdilálaččaid eallineavttuid, váikkuhit ovttaárvosašvuhtii ja dásseárvui ja eastadit sosiála váttisvuođaid. Sihkkarastit ahte ovttaskas olmmoš oažžu vejolašvuođa eallit ja orrut iešheanalaččat, ja ahte sus lea aktiivvalaš ja jierpmálaš eallin ovttas earáiguin. Dat galgá buhtadit hedjonan návccaid áimmahuššat iešfuolahusa ja hálddašit árgabeaivválaš bargguid. 

Ulbmiljoavkkut

- Olbmot geain leat viiddes ja máŋggadáfot bálvalusdárbbut.

- Olbmot geat dárbbašit olu praktihkalaš veahki árgabeaivválaš bargguin.

- Olbmot geat dárbbašit veahki bisuhit ja viidáseappot ovdánahttit iežaset sosiála fierpmádaga ja doaimmaid ruovttus ja ruovttu olggobealde.

- Olbmot geat eai sáhte áimmahuššat bargoaddirolla ja geavaheaddjistivrema, sáhttet oažžut geavaheaddjistivrejuvvon persovnnalaš veahki man váhnemat, váldeguoddi dahje earát áimmahuššet. 

Bálvalussii gullá maiddái dát (maid mii vuordit dus)

Don barggat ieš dan maid sáhtát. Don stivret ieš iežat tiimmaid mat leat juolluduvvon dutnje. Don ráhkadat bargoplánaid ja vejolaš virgečilgehusaid.  

Bálvalussii ii gula

• Barggut maid ieš sáhtát bargat
• Stohpobarggut jus leat guossit
• Bassat robiid ja seinniid, glásaid olggobealde ja gilvvagárdebarggut
• Veahkki biebmoelliide. 

Fuomášuhttit ahte geavakeahtes BPA-tiimmaid ii sáhte sirdit boahtte jahkái.

Bálvalusa haddi

Bálvalus lea nuvttá