Spiehkastusohcan mohtorjohtolatlágas fievrridit dávviriid ealgabivddu olis?
Kárášjoga gielddas ealgabivdosierralobit juolluduvvo gielddastivrra mearridannjuolggadusaid olis 22.6.2020.
Ane min eletronalaš ohcanskovi ohcat spiehkastuslobi mohtorjohtolatlágas doalvut biergasiid ealgabivdoguvlui.
Oza eletronalaččat dáppe.
Ealgabivdojoavkku ovddas sáhttá dušše bivdojođiheaddji ohcat spiehkastusa. Čále buot bivdojoavkku miellahtuid namaid gean ovddas spiehkastus ohccojuvvo.
Dáppe gávnnat ohcanmálle eletronalaš ohcanskovvái: geahča (pdf.).
Muitte mielddustit bivdoguovllukártta mas gohttensadji lea merkejuvvon vai ohcan meannuduvvošii.
Bivdoguovlokárttaide lea sárgojuvvon guokte bistevaš spáittu juohke bivdoguovllu nammii ja juohke bivdojoavkkus ožžot leat 5 vuojána anus. Vuojánat maid ealgabivddu olis oažžu geavahit leat ATV ja UTV. Bivdojoavkkut ieža vižžet kártta masa leat sárgojuvvon gitta guokte vuodjenspáittu rádjai.
Bivdoguovlokártta vieččat dáppe.
Bivdogohttensaji bidjat 300 mehtera sierralohpemáđija ja rabas máđija. Rabas máđijat, geahča máđiikártta.
Ealgabivddu olis sierralobit áššáiguoski guovllus gustojit 10 beaivvi ovdal bivddu álgima ja 10 beaivvi maŋŋá bivddu loahpa.
Bivddu olis lea gielddus vuodjit čilgejuvvon spáittuid ráigge, muđuid go bidjat gohttensaji, dahje ovdan ruoktot gohttensadjái.
Bivdoguovllu lonuheami, oktasašbivddu FEFO šiehtadusa vuođul, dahje ođđa bivdolahtuid lasiheamis ferte bivdojoavku ohcat ođđa sierralobi. Ođđa bivdoguovlokárta mielddustuvvo.
Bivdojoavkkut mat bivdet Guovdageainnus dahje Anárjoga álbmotmeahcis ja vudjet Kárášjoga gieldda čađa fertejit maid ohcat sierralobi.
FUOM! Geassesierralohpi lea gustokeahttá bivdoguvlui vuodjimii bivdoáiggis!
Buot bivdojoavkkut geatnegahttojuvvo čorget maŋisteaset go leat luohpan bivddus!