Kárášjoga gielda lea 1.1.2020 rájes atnigoahtán digitála “sierralohpeohcamiid mohtorjohtolatlágas”:

Sierralohpeohcan mohtorjohtolatlágas

Ohcanmálle deavdima várás gávdno dás. (PDF, 613 kB)

Bievlavuodjin: Oppalašgovva bievlamáđijain gávdno dás.

Sisačáliheapmi BankID:n: Gielda atná sisačáliheami BankID:n oktavuođadieđuid duođašteamis. 

Čilgehus čuoggáide ohcanportálas:

Áigodat: Meahccelávdegotti njuolggadusaid vuođul sierralobiid lea vejolaš addit gitta viđa jahkái olbmuide, geat ásset Kárášjoga gielddas. Olbmuide, geat ásset eará báikkiin, addit sierralobi ovtta jahkái.

Dálvesierralohpi lea gustovaš miessemánu 4.b. rádjai juohke jagi.

Bievlavuodjinlohpi lea gustovaš suoidnemánu 1.b. rájes gitta muohtasiivvuid rádjai.

Mátkkiid mearri: Saji ferte deavdit, vai skovi lea vejolaš sáddet sisa.

Mearis ii leat váikkuhus ieš ohcamii, dasgo mii opereret áigodagaid ja ovttaskas beaivemeriid mielde.  

Vuođuštus/lassidieđut: Deavdde sávvojuvvon vuodjinruvttodieđuid, omd. vuolgga- ja loahppasaji. Ii leat doarvái čujuhit dušše mielddustuvvon kártii.

Ovdamearka:

"Luottas 2 luddii 1 Njáhkájávrri bokte."

"Luottas 8 Fanasjávrái, Mohkkejávrái ja Divrejávrái." 

Mildosat: Bija mielddusin kártta, masa sávvojuvvon vuodjinruvtto lea merkejuvvon.

Dálvesierralobit:
     Kárttat gávdnojit dás:

·         Digitálalaččat - gielddakárttas. Deaddil «Meny» ja vuollefálu «Merke kártii» vai beasat merket kártii iežat vuodjinruvtto. Fertet vurket kártta iežat dihtorii ja mielddustit PDF-fiilan.

·         Bajilgovva mearriduvvon rabas luottain(PDF, 2 MB)