Prošeavtta birra
Prošeavtta ulbmilin lea dahkat NAV Ávjovárri bálvalusaid eambbo olahahttin ulbmiljovkui, ja nannet fágaidgaskasaš ovttasbarggu gielddalaš bálvalusaiguin, eaktodáhtolaš organisašuvnnaiguin ja eará áššáiguoski aktevrraiguin. Ulbmil lea oppalaš eastadeapmi ja árra áŋgiruššan ulbmiljoavkku hárrái.
Prošeavtta álggahuvvui danne go NAV:as leat dieđut dasa ahte gieldda ássiin vedjet leat iešguđetlágan hástalusat váldit oktavuođa dahje deaivvadit báikkálaš NAV-kantuvrrain. Ássiid gaskkas gávdnojit olbmot geat eai gárošii jearrat veahki ja doarjaga, erenomážit almmolaš ásahusain ja bálvalusain, dahje sii geat eai dovdda NAV:a sosiála bálvalusaid nu bures.
NAV diehtá maid ássiid gaskkas dakkáraš hástalusaid go digitála gálggaid ja giellahehttehusaid. NAV ii sáhte danne addit dárbbašeaddji ássiide dan veahki ja bagadallama maid sii dárbbašivčče ja livčče vuoigatvuohta.
Ofelaš/veiviser
Ofelaš/veiviser doaibmá ohccin ja gaskavuođadahkkin Kárášjoga gieldda ulbmiljoavkkuid ja ovttasbargoguimmiid gaskkas. Ofelaš/veiviser bargá
- leat olámuttus ulbmiljoavkkuide
- čuvget ulbmiljovkui ja ovttasbargoguimmiide NAV Ávjovári bálvalusaid birra
- ásahit ja nannet ovttasbargooktavuođaid gielddalaš bálvalusaiguin, eaktodáhtolaš organisašuvnnaiguin ja eará áššáiguoski gielddalaš aktevrraiguin
Ulbmiljoavku
- Nuorat/ nuorra ollesolbmot gaskal 16 - 30 jagi
- Mánnábearrašat
- Mii vuoruhat erenoamážit guhkesáiggi sosiálbálvalusaid vuostáiváldiid, olbmuid geat rahčet fidnet/ doalahit ásodaga, barggu ja/ dahje oahpa, ja báhtareddjiid
Prošeavtta ruhtadeapmi
Ofelaš/veiviser prošeavtta ruhtada Tromssa ja Finnmárkku stáhtahálddašeaddji.
Gaskaomiid ulbmilat leat gielddain oalgguhit ja ovddidit sosiálbálvalusaid ja doaibmabijuid sosiálbálvalus-, bargo- ja buresveadjinhálddahuslága vuođul. Bajit ulbmil lea oppalaš ja ovttastahttojuvvon bálvalusfálaldat geavaheddjiid dárbbuide.
Ofelaš/veiviser prošeaktajuolludeamis Tromssa ja Finnmárkku stáhtahálddašeaddji deattuha erenomážit kulturgelbbolašvuođa ja sosiálbálvalusaid ovdáneami áddejumi vai NAV-kontuvra olahivčče ain lagabui Sápmelaš gulli olbmuide.
Prošeavtta čađaheapmi
Prošeakta álggahuvvui juovlamánu 1. b. 2023, ja bistá 3 jagi rádjai.
Álggahanjagis ofelaš/veiviser dahká válddolaččat suokkardanbarggu kártet ulbmiljoavkku dárbbuid gielddas, ja maiddái kártet makkár gielddalaš bálvalusaid eaktodáhtolaš organisašuvnnat ja eará áššáiguoski aktevrrat gávdnojit gielddas. Ofelaš/veiviser dáhtu leat oidnosis ja olámuttus eará sosiála arenain ja deaivvadansajiin go NAV-kontuvrras.
Olahan dihtii prošeavtta ulbmiliid deattuha Ofelaš/ veiviser bargat dáiguin golmmain surggiiguin:
1. Oahppa, mielladearvvasvuohta ja gárren
Nannet ovttasbarggu Kárášjoga joatkkaskuvllain ja gohcinbálvalusain vai livččiimet oidnosis ja sadjosis oahppiide geat rahčet joatkkaoahpa čađahemiin ja gávdnamin barggu go leat geargan oahpa gazzamin.
Nannet ovttasbarggu Kárášjoga gieldda mielladearvvasvuođa- ja gárrenbálvalusfálaldaga gávnnahan dihtii ulbmiljoavkku dárbbuid, sávaldagaid ja vejolašvuođaid barggu ja oahpa dáfus.
2. Ovttasdoaibma
Nannet gulahallama ja fágaidgaskasaš ovttasbarggu ohcalemiin ja gaskavuođaid dahkamiin ulbmiljoavkkuin ja áššáiguoski oassádalliin gielddas.
Ofelaš/veiviser dáhttu leat oidnosis ja gávdnamis sosiála biriin ja čoagganansajiin muđuid go NAV-kontuvrras. Ovdamearkka dihtii sáhttá Ofelaš/ veiviser doallat áššáiguoski ovdanbidjamiid dahje lágidit sierra čoahkkimii ulbmiljovkui ja ovttasbargooassádalliin.
3. Gaskkusteapmi ja gulahallan
Árjjalaš gaskkustemiin dahkat NAV-kontuvrra ja sosiálbálvalusaid olámuddui ulbmiljovkui.
Ofelaš/veiviser čalmmustahttá NAV Ávjovári omd. searvat doaluide ulbmiljoavkku várás ja čuvget sidjiide sosiála bálvalusaid, geavaheaddji rivttiid ja geatnegasvuođaid birra.
Prosjektaktiviteter
Prošeaktaovdamearkkat maid Ofelaš/ veiviser doaimmaha:
NAV Ávjovári neahttasisdoallu gieldda neahttasiidui
Ofelaš/ veiviser doaimmaha gieldda neahttasiidduide rivttes dieđuid sosiálbálvalusaid, rabasáiggiid ja gulahallandieđuid birra.
NAV nuoraideahket Kárášjoga searvegottis
NAV Ávjovárri lágidii ovttas Kárášjoga searvegottiin “NAV nuoraideahkeda”. Doppe dárjojuvvui pizza.
Ofelaš/veiviser ovddastii Norgga Bargo- ja buresveadjinhálddahusa (NAV), čájehii mo NAV lea organiserejuvvon ja mo NAV bargá čoavdit servodatbarggu. Ofelaš/veiviser čuvgehii NAV Ávjovári sosiála bálvalusain ja NAV:a nuoraiddáhkádusa.
Bargoohcankursa Ukrainalaš dorvoohcciide
Ofelaš/ veiviser lea ovttasbargan Kárášjoga gieldda dorvoohcciidbálvalusain ja ráhkadan bargoohcankurssa mii lea heivehuvvon Ukrainalaš dorvoohcciide.
NAV nuoraidgulahallanolmmoš Kárášjoga joatkkaskuvllas
Ofelaš/veiviser lea vahkkosaččat Kárášjoga joatkkaskuvllas. Oahppit sáhttet váldit oktavuođa telefovnna, e-poastta dahje ohcalit Ofelačča skuvllas.
Ofelaš/veiviser sáhttá addit ráđiid ja bagadeami muđuid go fágalaš hástalusain mat vedjet muosehuhttit návccaidčoahkáideami skuvlii, earret eará ásodatdilis, ruoktodilis, ekonomiijas ja dearvvasvuođahástalusain. Ofelaš/veiviser sáhttá maid addit ráđiid ja bagadeami bargodilis, bargovejolašvuođain ja sirdašumis skuvllas bargodillái.
Mii leat bargamin ovttas skuvllain ja ohppiiguin bargamin ovddidit dan fálaldaga.