Henning Larsen Architects AS, mii lea oassi Rambøll Norge AS:s, lea bálkáhuvvon plánafágalaš ráđđeaddin. Plánarádjá sáhttá gáržžiduvvot plánaproseassas ain dađistaga go areáladárbu čielggaduvvo lagat. Gaskaboddosaš plánaráddjehusa lea vejolaš oaidnit gollosis vuollelis áššis.
Plánabarggu ulbmil Bienalaš mudden galgá láhčit dálá museavistti gaikumii Mari Boine geainnus ja hukset ođđa vistti, gosa čohkket maid Sámi Vuorká-dávviriid ja Sámi dáiddamusea. Muddenplána galgá addit vejolašvuođa ásahit maid gullevaš rusttegiid, viidásat ovddidit olgočájáhusa, ođasmahttit Mari Boine geainnu ja njulgenluotta márkanii. Lagat válddahallamiid plánejuvvon areálaulbmiliin, huksenallodagaid, ávkkástallanmuttuid j.e. gávdnojit mielddustuvvon plánaálgagis.
Gustovaš plánastáhtus Kárášjoga gielddaplána 2002-2015 areálaoasis lea plánaguovlu várrejuvvon ássanvisttiide ja rusttegiidda. Plánaguovlu lea viidáseappot regulerejuvvon máŋggain muddenplánain. Eanaš guovlu lea muddejuvvon almmolaš huksehusaide. Eanet dieđuid plánastáhtusa birra gávnnat plánaálgaga 7. kapihttalis.
Váikkuhusčielggadangeatnegasvuohta Kárášjoga gielda lea árvvoštallan ahte doaibmabiju vuođul gáibiduvvo váikkuhusčielggadeapmi kulturbirrasa ektui. Geahča gieldda ákkastallama referáhtas álggahančoahkkimis ja plánaálgaga 12. kapihttalis.
Konsultašuvnnat Sámelága vuođul Mii bivdit njuolga guoskevaš sámi beroštusaid ovddasteddjiid dieđihit konsulterendárbbu sámelága kapihtal 4 vuođul farggamusat, áinnas dán plánaálggaheami dieđiheami oktavuođas.
Dárkilut čilgehusat ja vuođđodokumeanttat Dieđihanáššebáhpárat, dás maiddái plánaálgga oktan mildosiiguin, referáhta álggahančoahkkimis Kárášjoga gielddain, gieldda rávvagat álggahit plánabargguid jna. Liŋkkat gávdnojit vuolimusas dán siiddus. Dokumeanttat gávdnojit maid báberhámis RiddoDuottarMuseaid lanjain Mari Boine geaidnu 17:s Kárášjogas. Musea dábálaš rabasáiggit leat maŋŋebárggaid-duorastagaid tii. 09.00 - 15.00. Miessemánu 9. beaivvi rahppo musea tii. 12.00 - 16.00. Eará bassebeivviid miessemánus lea musea gitta.
Diehtojuohkinčoahkkin Dán ášši olis bovde Statsbygg rabas diehtojuohkinčoahkkimii plánabarggu ja plánaproseassa birra gaskavahku miessemánu 15. b. 2024 dii. 18.00 - 20.00 RiddoDuottarMuseaid lanjain Mari Boine geaidnu 17, Kárášjohka. Doppe muitalit prošeavtta ja plánaproseassa birra, ja doppe lea vejolaš jearrat gažaldagaid ja kommenteret. Lea álkes guossoheapmi. Čoahkkinprográmma gávdno liŋkkas vulobealde.
Áigemearri buktit cealkámuša Sáddes árvalusaid dahje gažaldagaid plánabargui plánafágalaš ráđđeaddái Henning Larsen Architects AS, poastaboksa 1077, 9503 Alta, dahje e-poastta bokte alta@ramboll.no . Cealkináigemearri lea geassemánu 26. beaivi 2024.
Gulahallandieđut Ulla Sennesvik Sekšuvdnajođiheaddji Plána ja urbanisma mobiila: +47 482 20 730 e-poasta: ulla.sennesvik@henninglarsen.com
Go gulahalat Kárášjoga gielddain, de geavat ref 2024/512 ja sádde gulaskuddama: postmottak@karasjok.kommune.no
Liŋka buot dokumeanttaide: https://www.ramboll.com/no/kunngjoring-varsel-om-oppstart-av-reguleringsplanarbeid-karasjok