Sierralohpeláhkavuođđudusat
Sierralohpi ohccojuvvo plána- ja huksenlága olis (phl) §19-1. Sierralohpái adno vuođuštuvvon ohcan. Gránnjáide dieđihuvvo ja stáhtalaš fágaeiseválddiide galget beassat cealkit ohcamii.
Gielda meannuda ohcama phl olis § 19-2 : "Gielda sáhttá addit bistevaš dahje gaskaboddosaš sierralobi spiehkastit dahje mieđihit lága ja lágaeavttuid mearrádusaid olis.
" Sierralohpi ii addojuvvo jus mearrádusdeasttain spiehkastahttojuvvo mearkkašahtti sakka olggobeallái mearrádusaid duogáža. Ovdamunit addit sierralobi galget leat arvat stuorát go hehttehusat".
Sierralobi dearvvasvuođa-, biras-, dorvvolašvuođa- ja beasatlašvuođaváikkuhusat galget deattuhuvvot erenomážit".
Deattuhuvvo ahte dat lea doaibmaálggaheaddji/ ohcci gii galgá vuođuštit/ ovdanbidjat sierralobi ohcamuša. Vuođuštusat áinnas galggašedje leat plánafágalaččat, mo dat čuohcá plánii mas ohccojuvvo spiehkastuvvot. Plána- ja huksenláhka atná uhccán deastta persovnnalaš árttaide.
Mas sáhttá spiehkastuvvot?
Sierralohpi spiehkastit plána- ja huksenlága ovdanboahtti ja veajihuvvon mearrádusain ja gáibádusain sáhttá addojuvvot, dás gielddaplána ja mearrádusaid areálaoasis, mudden- ja huksehusplánain oktan mearrádusain, maiddái láhkaásahusain ja mearrádusain mat leat veajihuvvon plána- ja huksenlágas.
Mas ii sáhte spiehkastuvvot?
Áššemeannudannjuolggadusain ii sáhte spiehkastit. Ohcangáibádusas ii sáhte ohccojuvvot spiehkastit. Stáhtahálddašeaddji lea phl. § 19-2, 2021 gáržžideami maŋŋá gáibidan buot sierralobiid maid Kárášjoga gielda lea juolludan huksenlobiid gáddeguoraide. Dat sierralobit leat rievdaduvvon dahje fámohuhttojuvvon.
Ohcan galgá sisttisdoallat:
- Oanehis válddahusa doaimmas ja masa sierralohpi ohccojuvvo.
- Čilge árttaid mat bealuštit sierralobi.
- Dillekártta/ kártaoasáža mihtuin 1: 500 dahje 1: 1000 čilgejuvvon mihtuin.
- Plána, oasáš – ja julggabealtevnnegat oktan eanadattevnnegiin 1:100 mihtus. Tevnnegat galget leat fágalaččat ja mihttuid mielde dahkkojuvvon.
- Sierralobit dieđihuvvo gránnjáide.
- Sierralobi ohcanvuođuštus mielddistuvvo dieđáhusas, vrd. Plána- ja huksenlága § 19-1
- Jus sierralohpi guoskkaš fylkkagieldda dahje eará stáhtalaš eiseválddiid áššesurggiide (sektoreiseválddiid), de ášši sáddejuvvo gulaskuddamii vrd. Plána- ja huksenlága (omd. LNF-guovllut, gáddeavádagat ja gáddeguoraid).
Áššejohtu
Sierralohpeohcan meannuduvvo Biras-, plána- ja servodatovddidanváldolávdegottis. Lávdegoddi galgá mearridit sierralobi sierran, ja juolludus mii gusto justa dan doibmii (juohkinohcan/ huksenášši), galgá fas mearriduvvot sierran. Go sierralohpi lea politihkalaččat meannuduvvon, de oažžu doaibmabiddji breava gos lea diehtu meannudusbohtosiin. Huksenášši/ juohkinášši meannuduvvo dasto lávdegotti mearrádusaid olis.
Sierralohpeáššiid meannudandivat:
- Sierralobi ohcan gieldda- ja muddenplána plánagáibádusain, arealgeavahus kr. 13 734,-
- Sierralobi ohcan gáddeguoraid 100-mehtera kr. 14 742,-
- Sierralobi ohcan huksenlinnjá, allodaga, geaidnolága ja eará ávkkástallanmeriin kr. 8452,
Priváhta plána
Phl. § 12-3 vuođul lea priváhtain, doaibmabiddjiin, organisašuvnnain, ja eará eiseválddiin vuoigatvuohta ovddidit bietnamuddenevttohusa dihto huksen- ja ráhkadusdoaimmaide ja areálarievdadusaide, ja oažžut gieldda mearrádusaid ja oainnuid dan priváhta evttohusa muddengažaldagas. Fágagelbbolaččat ráhkadit muddenplána.
Jus muhtin dáhtoš rievdadit mearriduvvon huksenrájá gáddeguoras, de lea vejolašvuohta ovddidit priváhta muddenplána.
Priváhtaplána divat:
Ovttageardásašplána vuođđodivat kr. 9830,- ja áššemeannudandivat kr. 25 800,-. Sáhttet maiddái boahtit lassidivat.
Áššemeannudanáigemearit
Sierralobi ohcamis gustojit áššemeannudanáigemeari phl § 21-7 njealját lađđasis gos čuožžu: "Doaibmajuolludeami ohcan § 20-2 vuođul gos gáibiduvvo spiehkastit plánas dahje plánamearrádusain, galgá gielda mearridit 12 vahku sisa". Áigemearri ii gola dan áiggi go dat lea cealkámuša dáfus guvllolaš ja stáhtalaš eiseválddiid luhtte. Fágaeiseválddiid cealkináigemearri huksenáššeláhkaásahusa vuođul lea 4 vahku § 7-5. Sierralohpeohcamiid lea ádjái meannudit.
Váidalanvuoigatvuohta
Hálddahuslága njuolggadusaid §§ 28 vuođul sierralobi hilgun lea ovttaskasmearrádus mii sáhttá váidaluvvot 3 vahku sisa.