FAU ja SU leat meannudan ášši giđđat 2016.

Mis leat skuvlamánát skuvlaguovllus tii. 07.45 - 16.15. Dan áigodagas lea mátketelefovnna geavaheapmi gildojuvvon.

Mátketelefovdna lea gitta, go oahppit bohtet skuvlii ja oahppit addet telefovnna vuosttas tiimma oahpaheaddjái. Oahppit ožžot telefovnnaid ruovttoluotta oahpahusa maŋŋá.

Mii ávžžuhat váhnemiid/fuolaheddjiid háleštit mánáideasetguin mátketelefovnna geavahusa ja digitála givssideami birra.

Čuovvumušat mátketelefovnna geavaheamis skuvlaáiggis:

1. geardde: Mátketelefovdna dolvojuvvo gulahallanoahpaheaddjái, gulahallanoahpaheaddji addá njálmmálaš muittuhusa ja riŋge váhnemiidda/fuolaheddjiide. Oahppi oažžu telefovnna ruovttoluotta skuvlaáiggi maŋŋá.

2. geardde: Mátketelefovdna dolvojuvvo gulahallanoahpaheaddjái, gulahallanoahpaheaddji girje mearkkašumi ja riŋge váhnemiidda/fuolaheddjiide. Oahppi oažžu telefovnna ruovttoluotta skuvlaáiggi maŋŋá.

3. geardde: Mátketelefovdna dolvojuvvo rektorii. Gulahallanoahpaheaddji girje mearkkašumi ja riŋge váhnemiidda/fuolaheddjiide, geat vižžet telefovnna ovttas oahppiin rektoris.