Muitte, ahte váikko Kárášjohka lea nu gohčoduvvon “nullaavádagas” bargoaddidivvaga ektui, sáhttet leat njuolggadusat, maid mielde bargoaddidivat gártá maiddái bargoaddiide, mat leat Kárášjoga kontorgildii registrerejuvvon bargoaddit. Bargoaddidivatvuođđu galgá danin alo biddjot a-dieđáhussii.
Eanet dieđut ovdagessosa ja bargoaddidivada birra gávdnojit Vearroetáhta dahje Altinn siidduin. Doppe gávnnat eanet dieđuid earret eará máksináigemeriid birra, geasa máksojuvvo ja mo raporteret dieđuid.
A-ortnet
A-ortnet lea sierra raporterenortnet bargoaddiide ja virgádan- ja dienasdiehtofitnodagaide ja earáide geat leat dieđihangeatnegasat Vearroetáhtii, Bargo- ja čálgoetáhtii (NAV) ja Statistisk sentralbyrå`ii (SSB).
A-dieđáhus
Buohkat, geat doibmet bargoaddin, ožžot geatnegasvuođaid. Okta dáin geatnegasvuođain lea dieđihangeatnegasvuohta (a-dieđáhusa lágideapmi).
A-dieđáhus lágiduvvo maŋimustá čuovvovaš mánu 5. b. maŋŋá bálká- ja eará buhtadusmáksima. Don raporteret bálkká ja eará buvttuid reaidoruhtaprinsihpa vuođul. Dat mearkkaša, ahte don fertet raporteret ođđajagimánu buot máksimiid ođđajagimánu a-dieđáhusas, maŋimustá guovvamánu 5. B. Das ii leat mearkkašupmi leago dat ođđajagimánu bálká vai mannan jagi juovlamánu bálkká maŋŋilmáksin. Dat lea máksinbeaivi, mii stivre a-dieđáhusa raporterenáigemeari.
A-dieđáhusa birra gávdnojit eanet dieđut liŋkkas Vearroetáhta siidduin.
A-ortnega bagadanbálvalus bagada eanet a-ortnega birra, tel. 800 800 00.