Láhkavuođđu: Gielddalága § 8 nr. 1 ja 2.
Gielddastivra vállje ovdagotti mas leat 5 miellahtu. Gielddastivrra miellahtuid gaskkas válljejuvvojit miellahtut ja várrelahtut 4 jahkái.
Ovdagoddi geatnegahttojuvvo ovddidit áššeguottu ekonomiijaplána-, jahkebušeahttaáššiin ja go dain leat mearkkašahtti rievdadusat. Lassin lea ovdagottis vuoigatvuohta ovddidit áššeguottu gielddastivrra hárrái buot áššiin suorggistis mat galget mearriduvvot gielddastivrras.