§ 1 Ulbmil
Láhkaásahusa ulbmil lea eastadit dahje ráddjet SARS-CoV-2 leavvama ovtta áigodaga beassážiid oktavuođas, go olbmuid lohku, geat orodit gielddas, vurdojuvvo lassánit.
§ 2 Doaibmaguovlu
Láhkaásahus gusto buohkaid, geat orodit Kárášjoga gielddas.
§ 3 Oktavuohta nationála covid-19 láhkaásahussii
Láhkaásahus njoammueastadandoaimmain jnv. Koronadávdda olis (covid-19-láhkaásahus) čuvvojuvvo Kárášjogas. Dát báikkálaš láhkaásahus addá čavgejuvvon doaimmaid veahkehit eastadit dahje ráddjet Sars coV-2 leavvama Kárášjogas.
§ 4 Iskkaheapmi
Olbmot geat bohtet Kárášjohkii njoammuguovlluin, ávžžuhuvvojit iskkahuvvot beaivvi ovdal boahtima ja maiddái 24 tiimmu siste Kárášjohkii boahtimis.
Sis, geat leat buohcan koronadávdda, ferte leat das duođaštus mielde, go mannet iskkaheapmái Kárášjogas.
Kárášjoga olbmot, geat ožžot gussiid beassážiidda, ávžžuhuvvojit iskkahuvvot golmma beaivvi siste maŋŋá go guossit leat mannan.
§ 5 Lágideamit
Lágideamit, mat čohkkejit olbmuid olggobealde Kárášjoga, leat gildojuvvon, earret lágideamit kirkus, maid lea vejolaš čađahit nationála njuolggadusaid mielde.
§ 5 Bearráigeahčču
Gielda pláne čađahit almmutkeahtes bearráigeahčuid doaimmaide gielddas, mat leat namuhuvvon guovddáš láhkaásahusas, dárkkistit lágiduvvojitgo dát doaimmat njoammueastadandohkálaš vuogi mielde. Gielda sáhttá addit geaskku njoammueastadanlága § 7-1 dahje álbmotdearvvasvuođalága kapihttala 3 vuođul.
§ 6 Ovddasvástádus
Kárášjoga gielda ii váldde badjelasas ekonomalaš ovddasvástádusa, mat čuvvot gohčohallojuvvon doaimmain.
§ 7 Mátkkošteaddjit
Jos boađát Kárášjohkii guovllus, gos leat čavgejuvvon njoammueastadandoaimmat covid-19 -láhkaásahusa kapihttala 5A, 5B dahje 5C vuođul, fertet čuovvut daid njuolggadusaid, mat leat mearriduvvon dan gielddas, gos boađát.
§ 8 Fápmuibidjan ja bistu
Láhkaásahus lea gustovaš njukčamánu 24. B. 2021 tii. 2400 rájes cuoŋománu 18. B. 2021 tii. 2400 rádjai.
. 2400 til og med 18. april 2021 kl. 2400.