Givdovárádjaga Beaivemohkáš barta lea rahppojuvvon almmolaččat ja ollugat ledje mielde. Káffe, sákta, márffit ja keavssat guossohuvvojedje. Vuorbáduvvojedje maiddá fiinna vuoittut, maid Finnmárkku olgonastinráđđi lea skeŋken rahpamii.
Beaivemohkáš bartta ulbmilin lea lihkadeapmi, fiinna luondduvásáhusat, eanet profileren ja geavahit eanet lagasbirrasa buorre luoddamohkážiid. Beaivemohkáš barta lea rabas buohkaide ja lea vuosttasceahkkefálaldat buot vánddardeddjiide ja čuigiide.
Beaivemohkáš barta lea sajustuvvon nu, ahte eatnasat galget beassat dohko, maiddá mánáidgárde- ja skuvlamánát.
Guovllus johtet geassit bearalmátkevázzit ja dálvit čuoigit. Barta lea Pedermohki poastakássaguoras ja danin dohko beassá measta birra jagi.