Čálamáhttu kursa: 

Davvisámegiel oahpahus ja hárjehallamat.  Kurssa oasseváldit: 
•   oahpásmuvvet sámegiel čállingillii ja hárjehallet čállit sámegiel teavsttaid 
•    ohppet mo čállingiela atnima lasiha, nanne ja seailluha.
•    ohppet mo ovdánahttit čállinmáhttuset teknologalaš ja digitála veahkkeneavvuiguin.                                                   •   oahpásmuvvet sámegiel čállosiidda, preantosiidda ja girjjiide, sihke neahtas ja girjehilduin. 

Kursaoahpaheaddjin lea Iŋgos-Máhte Iŋgá, Inga Ravna Eira. Kursa lea nuvtta.  It dárbbaš ovdalgihtii dieđihit. 

Oktiibuot 18 kursaeahkeda; duorastagaid ođđajagemánu 16. b. rájes gitta geassemánu 19. b.  It dárbbaš leat čállán sámegiela ovdal, muhto don háliidat oahppat ja hárjehallat čállit. 

Áigi: 2025 giđa, duorastagaid ti. 18-20.                                                                                                                           Báiki: Kárenaš Sámi Giella- ja kulturguovddáš, Fitnodatgeaidnu 39, Guovddášdállu, 2. geardi. 

Čálamáhttu-kurssa ulbmil: 
- movttiidahttit oahppat čállit ja lohkat sámegiel teavsttaid
- loktet sámegiela čálamáhttu mávssolaš resursan ja gealbun

Mihttomearrin lea ahte eanebuččat lohket ja čállet davvisámegiel teavsttaid ja beroštišgohtet sámegiel čállingielas ja girjjálašvuođas.

Sámegiela árvu loktejuvvo go eanet olbmot aktiivvalaččat sihke hállet, lohket ja čállet sámegiela. Dát rievdada guottuid sámegiela hárrái nu ahte eanebuččat atnet ja dohkkehit sámegiela lunddolaš giellan árgabeaivvis, buot oktavuođain.  Sámegiella atno eanet árvvus dađistaga eanet birrasiin sevodagas go oahppa giela čállit ja atnit giela sihke čálalaččat ja njálmmálaččat. 

Gulahallanolmmoš: gudrun.eriksen.lindi@karasjok.kommune.no
Tel. 41312824

Geahča Facebook almmuhusa