31.12.2024 nohká gieldda doaibmašiehtadus Leif Baltoin. Doaibmadoarjja almmuhuvvo farggamustá, muhto dađibahát gártá gielda gaskaboddasaččat priváhtadoaibmi fysioterapevtavirggi haga.

Gielddas lea gal ain gielddalaš fysioterapevta, muhto gártá guhkebuš vuordináigi beassat fysioterapevtta lusa dassážii go ođđa šiehtadus dahkkojuvvo. Doaibmadoarjja almmuhuvvo ja dalle virgáduvvo/ sirdašuvvo dálá šiehtadus ASA 4313 rámmašiehtadusa vuođul.