GIELDDA OVDAGIHTII GEAIDNOVÁLDOPLÁNA ÁLGGAHANDIEĐIHEAPMI
Kárášjoga gielda ráhkadišgoahtá ođđa váldoplána gieldda geainnuide.
Plána ulbmil lea dahkat gildii buori stivrrendokumeantta:
• Konkretiseret ja joatkkihit gieldda geaidnostrategiija
• Vuođđun dálá geaidnofierpmádaga boahttevaš plánemii.
• Duođaštit gielddalaš geaidnofierpmádaga hárrái buohkanas doaibma-, máđasatnin- ja áiggi badjel háhkandárbbu. Háhkamat sáhttet golahuvvot buoridit suvdin- ja nanosmahttingerddiid, asfaltet, molsut/ bidjat čáhcebohcciid/ gáhttenrinddiid, goaivunbargguide, njáskat mehciid, jorgalansajiide ja eará.
Dát váldoplána ii leat ovddidanplána go dat guovdilastá dálá geaidnofierpmádaga ja dárbbuid dasa. Dat mearkkaša ahte ođđa geainnut ja geaidnoprošeavttat leat árvvoštalakeahttá dán plánas.
Jus bođežit oaiviladdimat johtolatdorvvolašvuođa hárrái, de gielda árvvoštallá ahte váldá go doaibmabiju dán plánii, dahje dan ođasmahttojuvvon johtolatdorvvolašvuođaplánii mii álggahuvvo boahtte jagi.
Mii leat álgán ođđa geaidnováldoplána bargguin, ja ráhkadan plánaevttohusa mii biddjojuvvo gulahallamii ovdal loahpalaš politihkalaš meannudeami. Gulahallanevttohus ovdehuvvo áššejohtoplána mielde ođđajagimánus/ guovvamánus 2024.
Mii bovdet addit oaiviliid ođđa geaidnováldoplánii. Oaiviladdimat galget sisttisdoallat unnimustá dáid dieđuid:
-Evttohusválddahusa ja sávaldatvuođuštusa.
-Dillekárta gos áššáiguoski guovlu čujuhuvvo. Kártta fidne čálistahttit gieldda neahttasiiddus.
-Galli ássái ja bearatgoddái dat guoská.
-Evttoheaddjái gulahallandieđut.
Oaiviladdin áigemearri biddjojuvvo skábmamánu 15. beaivái 2023.
Oaiviladdimat sáddejuvvo: Kárášjoga gielda/ Karasjok kommune, Ráđđeviessogeaidnu 6, 9730 Kárášjohka/ Karasjok.
Dahje š-poasta: Postmottak@karasjok.kommune.no
Gulahallanolmmoš gažaldagaid dáfus:
Ovttadatjođiheaddji; Paul Inge Turi, tlf. 92278602, š-poasta: paul.turi@karasjok.kommune.no