Buhtadanortnega ulbmil
Ulbmilin lea, ahte gielddat sáhttet johtilit veahkehit báikkálaš gávpedoaimmaid dili, maidda našunála njoammueastadandoaimmat leat čuohcan erenomáš garrasit.
Ortnet galgá doaibmat maid gielddalaš ventiilaortnegin, buhtadit báikkálaš doaimmaide, mat leat ollásit dahje belohahkii gahččan daid oppalaš buhtadusortnegiid olggobeallái.
Gielddat geavahit ruđaid báikkálaš gávpedoaimmaide, maidda čavga njoammueastadandoaimmat leat čuohcan.
Ulbmiljoavku
Uhca ja gaskamahtosaš gávpedoaimmat, maid gávpečujuhus lea Kárášjogas.
Dát guoská erenomážit doarjaga, mii buhtada báikkálaš gávpedoaimmaid goluid dahje massima njoammueastadandoaimmaid ja giddemiid olis, doarjaga mátke-, lágidan- ja guossohanealáhusaide ja eará gávpedoaimmaide, mat gahččet eará buhtadanortnegiid olggobeallái.
Doarjaga sáhttá addit maid mátkeealáhusa oktasašdoaimmaide, main gávpejohtu lea gahččan olu pandemiija geažil 2021:s. Ohcci ferte dokumenteret massimiid njoammueastadandoaimmaid ja giddejumiid geažil.
Mo ohcat
Ohcan registrerejuvvo ja sáddejuvvo regionalforvaltningen.no bokte.
Buhtadanohcamušas ferte dokumenteret massimiid njoammueastadandoaimmaid ja giddejumiid geažil.
Dokumentašuvnnas galgá leat mielde rehketdoallodárkkisteaddji/rehketdoalli duođaštus.
Ohcamiid meannudeapmi
Ealáhusfoandastivra meannuda doarjjaohcamiid.
Eanet dieđut ortnega birra ráđđehusa doarjjabrevas.
Jos leat gažaldagat, váldde oktavuođa Kárášjoga gielddain;
Ann Hilde Turi
Ealáhuskonsuleanta
Tel. 920 11 824