Čáhceskohterláhkaásahus fámohuhttojuvvui miessemánu 1. beaivvi 2017. Dat mearkkaša ahte riikkadási sierramudden čáhceskohtergeavaheapmái lea luohpan. Dat mii dál gusto riikkadásis čáhceskohtergeavaheapmái leat oppalaš njuolggadusat čáhcefievrogeavaheapmái. Gielddaide sirdojuvvui ovddasfástádus muddet čáhceskohtergeavahusa eará čáhcefievromuddemii láhkai váren dihtii báikkálaš beroštumiid.

Deanu- ja Kárášjoga gielda árvvoštallet dárbbu čuovvulit ovddasfástádusa maid Dálkkádat ja birasdepartemeanta leat sirdán gielddaide, ja čuovvulit maiddái Sámedikki ávžžuhusa doaimmahišgoahtit bijuid čáhceskohterjohtolahkii Deanu čázádagas.   

Kárášjoga- ja Deanu gielda leaba ráhkadan láhkaásahusevttohusa čáhceskohtergeavahussii Kárášjoga- ja Deanu gielddas. Láhkaásahus láhkavuođđuduvvo Mohtorjohtolatlága §4 gos čáhceskohterjohtolat gildojuvvo jávrriin ja jogain Kárášjoga- ja Deanu gielddas.  

Gulaskuddancealkámušat sáddejuvvo; Kárášjoga gielda, Poastaboksa 84, 9730 Kárášjohka, dahje e-poastta bokte postmottak@karasjok.kommune.no. Gulaskuddanevttohusaid sáhttá maid sáddet Deanu gildii. Geavat sin neahttasiiddu dasa. Gulaskuddanáigemearri lea guovvamánu 25. beaivi.

Gulaskuddandokumeanttat leat gollosiin vuollelis:

Gulaskuddanbreava – Láhkaásahus gulaskuddanevttohus čáhceskohtergeavahussii Kárášjoga ja Deanu gieldda čázádagain (PDF, 244 kB)

Mielddus 1 – Lágaidgeahčadeapmi mii guoská čáhceskohtergeavahussii- ja muddemii Deanu ja Kárášjoga gielddas (PDF, 150 kB)

Mielddus 2 - Vuođđoávnnas gávdnosat (PDF, 207 kB)

Mielddus 3 – Láhkaásahusat čáhceskohtergeavaheapmái Deanu ja Kárášjoga gieldda čázádagain (PDF, 261 kB)