Duogáš ja ulbmil
Čáhceláhkaásahus lea Norgga EU čáhcehálddašeami rámmanjuolggadus čađaheapmi. Čáhceláhkaásahus gusto buot čáziide, omd. jávrrit, jogat, riddočázádagat ja eanačáhci. Čáhceláhkaásahusa ulbmil lea bidjat birasulbmillaš rámmamearrádusaid mii váfistivčče čáhcebirrasiid oppalaš suddjemuša ja ceavzilis geavahusa. Čáhci buori birasdilis lea vuođđoeaktun servodatovdáneapmái, eallindássui, lundui ja kultuvrii Finnmárkku fylkkas. Čáhceláhkaásahusa plánamannolat manná guđa jahkásaš áigodagaid badjel. Plánabargu lea dál 2022-2027 áigodagas, goas gustojeaddji čáhcehálddašanplána gozedettiin ođasmahttojuvvon čáhcehálddašanplánain oktan doaibmaprográmmain ja bajit váikkuhančielggademiin mearriduvvo 2027 loahpas. Guvllolaš čáhcehálddašanplána ođasmahttin álggahuvvo plánaprográmma ja váldohástalusaid gulaskuddanevttohusaiguin.
Gulaskuddandokumeanttaid birra
Plánaprográmma čielggada plánabargguid-, plánamannolagaid oktan áigemeriid ulbmila, geat leat searvvis ja mielváikkuheami lágideamis. Plánaprográmma ulbmil lea addit vejolašvuođa árraváikkuheapmái, ávkkálaš diehtojuohkima ja gulahallama, ja diehttevašvuođa buot guoskevačča. Váldohástalusdokumeanta sisttisdoallá ođasmahttojuvvon birasdili bajiloainnu, olmmošváikkuhusat čáhcebirrasii ja gustojeaddji plánačađahanstáhtusa. Oktasaš áddejupmi dehálamos hástalusaide attášii nana vuođu boahttevaš vuoruhemiide ja ovttasbargui.
Gulaskuddandokumeanttaid gávnnat čáhceportálas.
Oaiviladdimat gulaskuddamii
Oaiviladdimat leat dehálaččat joatkkabargguid vuođu nanusvuhtii. Gulaskuddandokumeanttain leat erenomáš áššáiguoski, muhto oaiviladdimat konkrehta gažaldagaide lassin, leat maid sávahahtti. Oaiviladdimat plánaprográmmii merkejuvvo « oaiviladdimat Deanu, Njávdáma ja Básaveagi čáhceguovlluid váldohástalusaid plánaprográmma 2028-2033 hárrái». Gulaskuddan oaiviladdimat sáddejuvvo postmottak@ffk.no . Gulaskuddanoaiviladdin áigemearri lea geassemánu 30. beaivi 2025.
Mielváikkuheapmi
Bearjadaga guovvamánu 28. beaivve tii. 09.50 – 13.00 lágiduvvo digitála gulaskuddančoahkkin. Dán gollosis oainnát prográmma. Dieđit searvamat dán deaddilemiin. Fáddávuđot gulaskuddančoahkkimat maid lágiduvvo njukčamánu – miessemánu áigodagas. Mis bohtet lassi dieđut čoahkkimiid hárrái.
Diehtogulaskuddan, čáhceguovlu
Gulahatta mikkel.kvernstuen@ffk.no go ležžet gažaldagat gulaskuddandokumeanttaid, joatkka plánaproseassaid dahje gulaskuddančoahkkimiid hárrái.
Diehtogulaskuddan, Deanu čáhceguovlu (Gáŋgaviikka-, Kárášjoga- ja Deanu gielda)
Deanu čázádatguovlu lea guovlu 3 guovllu gaskkas Deanu, Njávdáma ja Báhčaveaji čázádatguovllus. Deanu čázádaga heiveheaddji olahat e-poasttas erlend.eide@tana.kommune.no ja tlf. 46400269.
Gulaskuddandokumeanta
Planprogram for oppdatering av regional vannforvaltningsplan med tiltaksprogram for Tana, Neiden og Pasvik vannregion 2028 – 2033
Hovedutfordringer for Tana, Neiden og Pasvik vannregion 2028-2033