Skuvla álggahuvvo ruoná dásis
Rávvet skuvllaid ja mánáidgárddiid álggahit ruoná dásis, muhto gielddat fertejit árvvoštallat dási iežas njoammudili ektui. Dási árvvoštallet gielddaid váldodoaktárat johtolatčuovgamálle mielde, nugo leamaš olles áigge.
Ulbmil lea, ahte mánáin ja nuorain galgá leat nu normála árgabeaivi go vejolaš dábálaš mánáidgárde- ja skuvlafálaldagaiguin ja dearvvasvuođabálvalusat, mat áimmahuššet sin fysalaš ja psyhkalaš dearvvasvuođa, oahpaheami, sosiála oktavuođaid ja loaktima.
Ruoná dásis rávvet luohkáid ja skuvlabeivviid dábálaš organiserema ja dábálaš buhtisindoallama.
Muhto fertet doalahit buorre giehtahygiena ja garvit dearvvahallama ja buorrestemiid. Sihke bargit ja oahppit fertejit ain bissut ruovttus, jos sii ožžot vuoiŋŋahatdávdamearkkaid. Skuvllain ferte leat gearggusvuohta sirdašuvvat jođánit fiskes ja rukses dássái.
Covid-19 láhkaásahusa rievdadusaid mielde borgemánu 16. beaivvi rájes mánát ja nuorat eai dárbbaš njoammukarantenii, jos sii iskkahuvvojit njuolggadusaid mielde.
Borgemánu 16. Beaivvi rájes vuollel 18 jahkásaččain, geat eai leat seamma bearatgotti lahtut dahje seamma láhkai lagaš olbmot njoammuduvvon olbmuin, lea vejolaš garvit njoammukarantena iskkahemiiguin njuolggadusaid mielde. Dat ovdanboahtá § 4 goalmmát lađđasis.
Iskkaheapmi luvve mánáid ja nuoraid dávjá njoammukarantenas
Go boahkuheapmi lassána ja sii, geain lea stuorámus riska buohccát duođalaččat, leat suddjejuvvon, de leat ásahuvvon muhtun geahpádusat karantenaortnegii. Iskkaheapmi buhtte dávjá njoammukarantena.
Dearvvasvuođadirektoráhtta ja Álbmotdearvvasvuođainstituhtta árvvoštallá, ahte dál lea dorvvolaš addit spiehkastusaid njoammukarantenii, ođđa njuolggadusaid mielde, vuollel 18 jahkásaš boahkutkeahtes lagašoktavuođaide, sidjiide geat leamaš lagat go 2 mehtera njoammuduvvon olbmos badjel 15 minuhta. Dát berre guoskat maid badjel 18 jahkásaš oahppiid/studeanttaid oahppodoaimmain, gielddadoaktára mearrádusa vuođul. Jos ii leat vejolašvuohta iskkahuvvot, de ferte čađahit olles karantenaáigodaga. Bearatgoddelahtut, dahje seammalágan lagaš oktavuođat, nugo moarsit/irggit dahje oahppit, geat ásset seamma láigolanjain, fertejit ain njoammukarantenii. Dearvvasvuođadirektoráhtta ja ÁDI ávžžuhit sajustit iskkahanráđđenvuogi, mii luvve dán joavkku karantenas ja oaidná dan hui dehálažžan mánáide ja nuoraide, vai minimeret eahpegorálaš karantenageavaheami.