Jos boađát guovllus, gos lea njoammun, de ÁVŽŽUHUVVOT iskkahuvvot beaivvi ovdal go boađát ja FERTET iskkahuvvot 24 diimmu siste Kárášjohkii boahtima maŋŋá.
Dat mearkkaša ahte gielda nannosit ávžžuha buohkaid, geat bohtet njoammuguovlluin/gielddain, iskkahuvvot ovdal go bohtet Kárášjohkii, muhto dat ii leat gáibádus. Dat danin vai sáhttit bissehit njoammuma OVDAL go dat boahtá gildii.
BUOHKAT geat bohtet gildii guovllus, gos lea njoammun, FERTEJIT iskkahuvvot 24 diimmu siste boahtima maŋŋá. Dat mearkkaša ahte BUOHKAT geat bohtet guovlluin, gos lea njoammun, FERTEJIT iskkahuvvot go bohtet, beroškeahttá das man guhká sii leat Kárášjogas. Spiehkastat lea jos Kárášjohka lea čađajohtinbáiki jođidettiin eará sadjái.
Dat danin vai gávdnat njoammuma nu árrat go vejolaš ja dalle sáhttit maid eastadit njoammuma leavvamis gielddas nu bures go vejolaš.
Jos orut Kárášjogas ja finadat beaivemohki omd. Álttás dahje Leavnnjas, de ii leat dárbbašlaš iskkahuvvot. Jos eahpidat ožžon njoammuma, de dat ii likká oidno iskkaheamis daid vuosttas beivviid. Mii muittuhat našunála njuolggadusain, maid mielde buot dárbbašmeahttun mátkkošteami ferte garvit. Muhto mii ávžžuhat geavahit njálbmesuoji ja doallat 2 mehtera gaskka dárbbašlaš mátkkiin olggobealde Kárášjoga.
Rávvet olbmuid, geat ožžot gussiid beassážiid áigge, iskkahuvvot golmma beaivvi siste das go guossit leat mannan. Dát ii leat gáibádus, muhto nana ávžžuhus. Mii diehtit ahte máŋgasiin eai leat covid-19 dávdamearkkat ja dat maid molsašuddá man guhkes áiggi váldá ovdal go olmmoš lea njoammuguoddi ja sáhttá njoammudit.
Iskkahemiin maŋŋá gussii mannama mii geahččalat dáhkidit, ahte vejolaš njoammun «ii leat báhcán» gildii.
Dasa lassin galget buohkat, geain leat dávdamearkkat, iskkahuvvot. Loga eanet dávdamearkkaid birra dás