Kárášjoga nuoraidráđđi oasálasttii gielddastivrračoahkkimis juovlamánu 15. B. 2022  gos ovdanbidje áššiset bušeahttameannudeamis. Julie Solbakken ja Jana Gulsrud dat ovddasteaigga nuoraidráđi. 

Nuoraidráđi cealkámuš áššis; Doaibma- ja ekonomiijaplána 2023-26: 

Nuoraidráđi mielas galggašii Kárášjoga gielda joatkit máksit nuoraidklubbii-, UKM- ja BUA guoski goluid. Gielddas lea dárbu dasa, go nu dagašedje ássanmiela nuoraid gaskkas. Mánáid ja nuoraidlohku njiedjá Kárášjogas.

Kárášjoga nuoraidráđđi evttoha nuoraidráđi 2022 bušeahta sirdojuvvo 2023. Nuoraidráđđi ii leat leamaš doaimmas nu guhká ahte mii leat golahan juolluduvvon bušeahta. Maiddái leat váilon njuolggadusat ruhtagolaheapmái .   

Gielddastivra mearridii čuovvovaččat:

Mánáid- ja nuoraid čoagganansadji kr. 80.000,-
Mánáid- ja nuoraidráđđi kr. 80.000,-
UKM lágideapmi kr. 60.000,-
Dávvirluoikanoastimii iežasoassi (BUA) kr. 30.000,-

Buohkanassii juolluduvvui kr. 250.000,- daidda ulbmiliidda.

Dáppe oaidnibehtet Kárášjoga nuoraidráđi ovdanbidjama