Hospiterenláhkaásahusa gulaskuddan
Oahppalága § 2-1 ja § 2-6 vuosttas lađđasa olis mii lea vuođđoskuvlaoahpahusa vuoigatvuođa birra ja Kárášjoga skuvla juohká skuvlasaji buot mánáide geat leat álbmotregistrerejuvvon Kárášjoga skuvlii dan jagi rájis go mánná deavdá guhtta jagi, ja dassážii go mánná luohpá 10 ceahkis. Láhkaásahusa ulbmil lea váfistit njuolggadusáimmahuššama mii addá mánnái vuoigatvuođa vázzit Kárášjoga vuođđoskuvllas ja ohcama vuođul oažžut spiehkastusa das (vrd. § 1). Ulbmil lea maid addit dieđuid ja diehttevašvuođa áššemeannudeamis
Hospiterenláhkaásahusa gulaskuddan, (PDF, 60 kB) gulaskuddanoaiviladdin merkejuvvo áššenummariin: 2025/248
Virgelohpeláhkaásahusgulaskuddan ohppiide
Ođđa oahppalága olis gustovaš 01.08.24 rájis lea gielda ráhkadan láhkaásahusa skuvlavirgelohpái, vrd. § 2-2.
Láhkaásahusa ulbmil lea váfistit ovttalágan meannudeamis jávkanohcamiidda, ja addit dieđuid ja diehttevašvuođa áššemeannudeamis. Láhkaásahus ii adnojuvvo dearvvasvuođaguoski jávkamiidda.
Ohppiidvirgelobi láhkaásahusgulaskuddan, (PDF, 79 kB) gulaskuddanoaiviladdin merkejuvvo áššenummariin: 2025/249
Priváhta vuođđoskuvlaoahpahusláhkaásahusa gulaskuddan
Priváhta vuođđoskuvlaoahpahus mearkkaša ahte váhnemiin lea alddiset ovddasvástádus oahppi oahpaheapmái ja oahpahussii. Láhkaásahus váfistivčče oahppái devdojuvvot oahppaulbmilgáibádusaid § 22-5 nuppi lađđasis go váhnen čáliha mánástis eret skuvllas. Gielda galgá bearráigeahččat ahte deavdá go ruovttu vuođđoskuvlaoahpahus ruovttuoahpahusgáibádusaid vrd. oahppalága § 22-5 goalmmát lađđasa.
Ruovttuoahpahus galgá vástidit skuvlaoahpaheami dási.
Priváhta vuođđoskuvlaoahpahusláhkaásahusa gulaskuddan (PDF, 63 kB), gulaskuddanoaiviladdin merkejuvvo áššenummariin: 2025/250
Astoáiggefálaldatláhkaásahusa gulaskuddan
Ođđa oahppalága olis gustovaš 01.08.24 rájis lea skuvllajođihangoddi ráhkadan astoáiggefálaldatláhkaásahusa, vrd. § 4-5, mii eanaš oasis duddjojuvvo dálá astoáigefálaldatnjuolggadusaide Kárášjoga skuvllas.
Astoáiggefálaldatláhkaásahusa gulaskuddan (AÁF) (PDF, 83 kB), gulaskuddanoaiviladdin merkejuvvo áššenummariin: 2025/251
Skuvlanjuolggadusaid láhkaásahusa gulaskuddan
Ođđa oahppalága olis gustovaš 01.08.24 lea skuvllajođihangoddi ráhkadan skuvlanjuolggadusaid- ja skuvlademokratiijaláhkaásahusa, vrd. § 10-5.
Skuvlanjuolggadusaid ulbmil lea váfistit dorvvolaš, fátmmastahtti ja buori skuvlabirrasa mii ovddida dearvvasvuođa, oahppama ja loaktima buot Kárášjoga skuvlla ohppiide ja bargiide. Njuolggadusat maid váikkuhit áimmahuššat oahppi, skuvlla ja váhnemiid vuoigatvuođaid ja geatnegasvuođaid, ja váfistit skuvlademokratiija geavatlaš doaibmama.
Das evttohuvvo joatkit dan njuolggadusoalis mii čuvvojuvvo dálá Kárášjoga vuođđoskuvllas masa ásahuvvo skuvlademokratiijanjuolggadusat. Láhkaásahus maid sisttisdoallá ohppiid geatnegasvuođanjuolggadusaid ja vuoigatvuođaid.
Skuvlanjuolggadusláhkaásahusaid gulaskuddan (PDF, 71 kB), gulaskuddanoaiviladdin merkejuvvo áššenummariin: 2025/252
Gulaskuddanoaiviladdimat sáddejuvvo miessemánu 12. beaivvi 2025 sisa
postmottak@karasjok.kommune.no áššesadjái merkejuvvo áššenummariin mii lea juohke láhkaásahusa vuolábealde.
Gulaskuddanoaiviladdimat sáddejuvvo maid š-poasttain, breava merkejuvvo áššenummariin
Kárášjoga gielda
Poastaboksa 84
9735 Kárášjohka