Buohkat, geat leat álbmotregisteris čálihuvvon gildii, ožžot boahkuhanfálaldaga ja váldit singuin oktavuođa dađistaga. Mii ávžžuhat olbmuid vástidit telefovdnii, vaikke eai dovddašge nummara. Dat sáhttá leat Kárášjoga gielda, gii riŋge šiehtadan dihtii áiggi.
Olbmot, geat leat gielddas ja háliidit boahkuheami, muhto geaid ássanbáiki ii leat dáppe, fertejit ieža riŋget Kárášjoga doavttirstašuvdnii, tel. 78 46 85 00
Gielda atná fuomášumi dasa, ahte FHI árvvoštallá AstraZeneca boahkuid ođđasit. Gielda čuovvu áiggis áigái FHI njuolggadusaid/ávžžuhusaid.
Gielda giitá eaktodáhtolaččaid veahkis boahkuhemiid áigge.