Molleš Biret / Berit Alette lea olles eallinagis áŋgiruššan sámi giehtaduodjeárbevieruid, giela ja sámi árvvuid ovddas.

Duddjoma oktavuođas son lea maiddái geavahan áiggi rivttes doahpagiid atnimii sámegillii.

Son lea maid leamaš dehálaš láidesteaddji ođđa olbmuide gilis, ovddemustá páhpaide, kirkolaš bargiide ja sárdnideddjiide, geaidda son lea leamaš ofelažžan sámi servodagas.

 Doaibmamis gielalaš kulturguoddin sáhttá namuhit:

-          leamaš kirkotulkan ja tulkon ipmilbálvalusaid ja iešguđege kristtalaš čoahkkimiin
-          beroštuvvan sámi sálbmalávlumis, ja lea leamaš mielde jorgaleamen sálmmaid sámegillii
-          Lávlon olu sámi sálmmaid ja dasto viiddidan lávlunarkiivva Radio DSF lagasrádioi
-          leamaš sotnabeaiskuvlaoahpaheaddjin moaddelogi jagi sihke iežas ruovttus, gosa son čohkkii lagasbirrasis mánáid - ja girku lanjain
-          leamaš aktiivvalaš lestadialaš searvegottis moaddelogi jagi ja maŋimuš áiggiid lestadialaš searvegotti jođiheaddjin. Dáppe min báikkálaš servodagas son lea doaibman dehálaš váikkuheaddjin sámi teologiija hárrái ja risttalašvuođaáddejumis
-          máŋgga searvvi miellahttu, e.e. kirkorieggá
-          Eaktodáhtolaš barggustis son lea iežas álgagis lágidan sámi rohkosbottuid ja sálbmalávlumiid buhcciidossodagas ja fuolahusvisttiin 

Dás lea dušše smávva čoahkkáigeassu das, maid son lea mearkkašan sámi dillái ja báikkálaš servodahkii.

Lihku bures ánssášuvvon bálkkašumiin.