Dál lea 8. gearddi go mii ovttas Finnmárkku olgostallanráđiin lágidat Bearalmátkkážii. Bearalmátkkáš leat lihkadeamit buohkaid várás, ja dáinna lihkademiin dáhtošeimmet vuoruhit olgostallandoaimmaid, álbmotdearvvasvuođa ja luondduvásáhusaid. Kárášjogas mis leat máŋga fiinna Bearalmátkkáža gos sihke ássit ja earát sáhttet oažžut buori luondduvásáhusa.
Muohttaga dihtii eat raba earágo muhtin bálgáid miessemánu 13. beaivvi, ja muđuid fas rahpat geassemánu 1., geassemánu 15., ja suoidnemánu 1. beaivvi. Čuovo áinnas min Facebook-siiddus gos addit dieđu jus muhtin bálgáid rahpat árat.
Dán jagi mis maid leat Kárášjoga fitnodagat mat sponsejit. Jus váccežat ovttage daid bálgáid ja registreret pereltur.no, de leat mielde vuorbádeamis.
Dáin mátkkážiin lea sponsor:
1. Čuovgaláhttu - Bygger'n Karasjok sponse skeaŋkakoartta kr. 1.000,-
2. Oalgevárri –Averdi Kárášjohka sponse idjadeami ja gaskabeaivvi guovtti olbmui Leavvajoga Duottarstobus. kr. 2500,-
3. Givdovárája – Kapro sponse skeaŋkakoartta kr. 1.000,-
4. Ruoššavárri – Márkan El sponse skeaŋkakoartta kr. 1.000,-
5. Muvraaláš - Min Ája sponse sávnnodeami ja jacuzzi 4 olbmui
6. Stuorra Guorpmet - Min Ája sponse sávnnodeami ja jacuzzi 4 olbmui
7. Ássebákti luonddu- ja kulturbálggis – Boble Glasshytte sponse skeaŋkakoartta kr. 700,-
8. Oalgevárri - Rávdojohka – Abanti sponse skeaŋkakoartta kr. 1.000,-
9. Háldi – Scandic Kárášjohka sponse 3-reahtat gaskabeivviid ja juhkamuša 2 olbmui
10. Čuoiganbarta - Engholm Husky idjademiin ja/ dahje doaimmain Enholm lodges mas lea árvu kr. 3.000,-
Geahča buot perletur.no mátkkážiid
Jus áiggožat oasálastit de fertet dahkat geavaheaddjiprofiilla perletur.no. Juohke bálgás lea bálggeskoda mii registrerejuvvo. Dasa sáhtát álkidit maiddái bidjat bearašlahtuid
Sii geat vázzet 7 Bearalbálgá ánssášit vuoitokohpa maid tiŋgot perletur.no. Vuollel 10 jahkásaš mánáide lea gáibádus 6 iešguđet bálgá. Olbmuide geain leat eareliiggás dárbbut sáhttet ánssášit kohpa uhcit go 7 bálgás.
Muhtin sajiin luonddus sáhttá leat njuoskkas ja muohta
Lihku mátkái!