Lea go dus dearvvasvuođaoahppa muhto it bargga dearvvasvuođasuorggis dál? It go midjiide luoikkastivčče návccaidat jus mii dárbbašivččiimet searaid vuosttildit koronarohttudávdda?
Justa dál bargat mii dáppe veahkkálagaid cakkadit ja áinnas bissehit koronanjoammuma. Min beaivvit leat oalát rievdan go fertet skuvllaid ja mánáidgárddiid giddet ja šluhttehit eanaš sosiála čoagganemiid.
Kárášjogas ii leava gal justa dál njoammun, muhto fertet ráhkkanit ahte njoammun leavvagoahtá sakka dás ovddasguvlui. Dalle sáhttá maid moanat dearvvasvuođabargiide njoammut ja biddjot karantenii. Dalle váillahišgoađášeimmet dearvvasvuođabargiid ja dárbbašivččiimet buot bargonávccaid maid fitnešeimmet.
Jus dus lea dearvvasvuođaoahppa dahje dearvvasvuođamáhttu, de dárbbašivččiimet diehtit dus vai beasašeimmet váldit oktavuođa duinna go dárbbašat veahki. Danne dáhttut du registreret gelbbolašvuođat.
Mii dárbbašat maiddái du dearvvasvuođaoahpa haga. Registreret, jus sáhtašit veahkehit.
Dieđut maid dárbbašat:
Namma
Ahki
Telefonnummar
Oahppa
Bargoduogáš
Sádde dieđuid SMS:ain, tlf 922 43389 dahje šleađgapoastta bokte; heidi.boine@karasjok.kommune.no