Mánáid-, nuoraid- ja bearašdirektoráhta (Bufdir) lea dál rahpan ohcat “Mánáid ja nuoraid searvidahttindoarjaga”. Ohcanskovvi lea almmuhuvvon Bufdira ohcanportálas ja almmuhusa gávnnat Tilskudd til inkludering av barn og unge | Bufdir
Ohcanáigemearri lea skábmamánu 1. beaivi 2024.
Mii doaivvošeimmet olu joavkkuid ja servviid Kárášjogas dohppet vejolašvuođa ja dán doarjjaortnega bokte nannešedje mánáid ja nuoraid searvidahttinbargguset.
Doarjjaortnega ulbmil lea láhčit buot mánáide ja nuoraide vejolašvuođa hálddašandovdui ja servodatoasálastima. Doarjjaortnet galggašii váikkuhit rabas čoaggananbáikkiid ovddideapmái, oasálastit luopmo- ja astoáiggedoaimmaide ja ollašuhttit oahpaid.
Servodatoasálastimiin oaivvilduvvo laktáseapmi astoáiggedoaimmaide, kultureallimii, ohppui, organisašuvdnadoaimmaide ja bargoeallimii, ja maiddái demokráhtalaš oasálastimii.
Ulbmiljoavku lea vuollel 24 jahkásaš mánát ja nuorat geat iešguđet sivaid geažil olgguštuvvošedje. Doaibmašlájaide "lovssa/ nuoraidlovssa" ja "rabas čoaggananbáikkit" leat mánát ja nuorat gaskal 10 ja 24 jagi.
Olgguštuvvot lea leat olggobealde iešguđet arenaid dahje oktasašvuođain servodagas. Olgguštuvvoma riskafáktorat sáhttet leat:
- bajásšaddan vátna sisaboahtu bearrašiin
- váilevaš sosiála fierpmádat
- váilevaš laktáseapmi skuvlii/ bargui
- váilevaš astoáiggedoaibmaoasálastin
Riskafáktorat sáhttet leat latnjalaga dahje nannet goabbat goappá.
Ohcat sáhttet:
Ohcat dán doarjaga sáhttet almmolaš ásahusat, eaktodáhtolaš organisašuvnnat ja priváhta oassádallit. Gávpotoasit Oslos buohtalastojuvvo gielddaiguin. Doaibmadoalut mat ohcet doarjaga galget leat registrerejuvvon Enhetsregisteris.
Ohcanskoviide loggebehtet Hjem - Insights (bufdir.no)
Bufdira gulahallanolbmot:
Ortnega bajiloaidnogulahallanolbmuid gávdnabehtet Tilskudd til inkludering av barn og unge | Bufdir
Kárášjoga gieldda gulahallanolmmoš:
Irene Boine , mob. 920 70508, irene.boine@karasjok.kommune.no