![](/handlers/bv.ashx/i9bba0094-2bc5-4233-83c1-face68b6bee1/w1200/q1661/k909a10f07191/luodda.JPG)
Leat go goassege vásihan ahte galggat bidjat sániid dakkár áššái mii lea dutnje váttis ja rašši - eará gillii go iežat eatnigillii? Dat ahte oažžut ipmárdusa NAV:s sáhttá leat mearrideaddjin dasa ahte juohkehaš oažžu dan veahki maid dárbbaša ja masa sus lea riekti. Dál mii geahččalit telefovdnabálvalusa fállat sámegillii.
NAV geahččala láhčit dili nu, ahte sámi ássit galget oažžut dieđuid ja bagadallama iežaset eatnigillii. NAV lea danin ásahan našuvnnalaš telefovdnabálvalusa davvisámegillii, álggos ovddasmanniprošeaktan mii bistá cuoŋománu 1. b. 2024 rádjái. Vaikko gos orut ja háliidat hállat davvisámegillii, de sáhtát riŋget dan bálvalussii.
NAV Gulahallanguovddáš lea ásahan sierra našuvnnalaš telefonnummira gos barget NAV Ávjovárri davvisámegielat bagadallit. Váldde áinnas oktavuođa minguin telefovnnas 55 55 33 33.