Ođđa heahtepáhkka eaktodáhtolašvuhtii
Ođđa koronaheahtepáhkka joavkkuide ja servviide lea gárvvis. Ortnega ulbmil lea buhtadit eaktodáhtolaš servviide mearkkašahtti dienasmassima doaluid dahje eará áiddostahttojuvvon doaimmaid ektui, mat leat čuvvon stáhta rávvagiid dahje geaskku dihtii COVID-19 rohtu olis.
Heahtepáhkka 2 gusto áigodahkii njukčamánu 12. b. - borgemánu 31. b. 2020.
Ohccit galget leat registrerejuvvon Eaktodáhtolašvuođaregisteris.
Ohcanáigemearri lea čakčamánu 15. b.
Ohcat sáhttá:
- Dienasmassimii doaluin, mat livčče galgan lágiduvvot áigodagas (ovdamearkka dihtii bileahttadietnasat, parkentietnasat, lahpesgávpetietnasat dahje kioskadietnasat).
Doaluiguin oaivvilduvvojit áigeráddjejuvvon doaimmat, mat leat rahpasat buot miellahtuide, gussiide, gehččiide ja ulbmiljoavkku eará oasseváldiide.
- Eará áiddostahttojuvvon doaimmaid bileahttadienasmassin áigodagas (ovdamearkka dihtii museat, akvariat, kinot dahje valáštallanrusttegat).
Eará áiddostahttojuvvon doaimmaiguin oaivvilduvvojit fálaldagat eaktodáhtolaš doaimmaid olis, mat livčče galgan leat rahpasat gussiide gustovaš áigodagas.
- Láigodienasmassin áigodagas (Visttiid, rusttegiid, barttaid, fatnasiid ja eará lanjaid láigoheapmái).
- Dienasmassin, go organisašuvdna lea massán barggu doaluid dahje eará áiddostahttojuvvon doaimma olis.
Loga eanet Lotteriija- ja vuođđudusbearráigeahču neahttasiiddus
Maŋemusat rievdaduvvon 03.08.2020 15.23