Ođđajagimánu 1.b.  2025 gustogoahtá ođđa riikkaviidosaš ortnet, mii gáibida ahte tekstiillat sirrejuvvojit eará doabbariin. Dát rievdadus lea dehálaš lávki ovddidit ođđasitanu ja ávdnasiid ođđasitávkkástallama, ja geahpedit tekstiilabuvttadeapmái ja doabbariidda laktáseaddji birasnoađuhemiid. Ovddasvástádus das ahte dát ortnet doaibmá, lea das gii buvttada biktasiid, dás oaivvilduvvo ahte dat geat biktasiid buvttadit, galget lágidit biktasiid ođđasitávkkástallama ja ođđasitanu vuostáváldinortnega. Goluid gokčet bivttasbuvttadeaddjit. Gielddain galgá gávdnot čohkkenortnet.     

Fimil:s ii gávdno dál čielga čoavddus biktasiid hárrái, muhto sii ságastallet máŋgasiin, mo dán lágidit viidásat.    
Fimil áigu almmatge sajustit sierra containera juohke birasstašuvdnii, gosa lea vejolaš doalvut biktasiid, go sis lea vurkkodankapasitehta ja jáhkku dasa, ahte sis farga gávdno čoavddus sihke biktasiid ođđasitávkkástallamii (bieđganan biktasat) ja ođđasitatnui. Ođđajagimánu 13.b. rájes leat dát sajis buot stašuvnnaineamet.

Fimil ja Kárášjoga gielda ávžžuheaba maid doaluid ja ássiid doalvut biktasiid uff- containeriidda, mat gávdnojit muhtun gielddaineamet, ja báikkálaš ođđasitatnogávppiide, mat sáhttet ja háliidit vuostáváldit dakkáriid. Kárášjogas lea uff- containerat Coop Ekstra ja Rema 1000 buvddaid olggobealde: https://uffnorge.org/toyinnsamling/ 

Mánnevári birasstašuvdna lea gurut bealde s. 2 km Kárášjoga guovddážis Deanu guvlui. Rabasáiggit gávdnojit Fimil ruoktosiiddus: https://www.fimil.no/miljostasjoner/mannevarre-miljostasjon