Gielddastivra mearridii čoahkkimis 22.6.2020 áššis 20/22 bietnamuddema dánr 21 doanr 128, 129, 148 ja 157, areálaplánaid 5437_201801 várás.
Gielddastivrra mearrádus:
«Kárášjoga gielddastivra mearrida plána- ja huksenlága § 12-12 ektui bietnamuddema dánr 21 doanr 128, 129, 148, ja 157, areálaplánaid 5437_201801 várás, maŋimustá ođasmahttojuvvon 5.2.2020.
Plánadokumeanttat:
- Plánakárta bietnamudden dánr 21 doanr 128, 129, 148, ja 157, ođasmahttojuvvon 5.2.2020.
- Plánamearrádusat dánr 21 doanr 128, 129, 148, ja 157, ođasmahttojuvvon 5.2.2020.
- Plánagovvádus dánr 21 doanr 128, 129, 148, ja 157, ođasmahttojuvvon 5.2.2020.
Plánaráddjehusa siskkobealde areálaplána, mearriduvvon 13.10.2005, rievdaduvvo nu, ahte dát plána šaddá gustovažžan mildosa 2 areálaplánamearrádussii, vrd. Plána- ja huksenlága § 11 -17».
Dákko bokte almmuhat plánamearrádusas plána- ja huksenlága (pbl) § 12-12 vuođul. Mearriduvvon muddenplána lea dakkaviđe čadni guovllu boahttevaš areálageavahussii.
Mii giitit oaiviliin plánaproseassas. Plánakártta, mearrádusaid ja plánagovvádusa birra maŋŋá gulaskuddama ja almmolaš geahčadeami: geahča áššeovddidusa ja áššeprotokolla.
Áššedokumeanttat
Plánakárta bietnamudden dánr 21 doanr 128, 129, 148, ja 157, ođasmahttojuvvon 5.2.2020. (PDF, 909 kB)
Plánamearrádusat dánr 21 doanr 128, 129, 148, ja 157, ođasmahttojuvvon 5.2.2020 (PDF, 84 kB).
3. Plánagovvádus dánr 21 doanr 128, 129, 148, ja 157, ođasmahttojuvvon 5.2.2020 (PDF, 2 MB)
Gielddastivrramearrádus ja áššeovddidus (PDF, 179 kB)
Dokumeanttat leat oaidnimis maiddái gieldda bálvaluskontuvrras gitta guoddalanáigemeari lohppii. Máŋgehusaid sáhttá jearrat bálvaluskontuvrras, tel. 78468000
Vejolaš guoddaleamit
pbl § 12-12 vuođul lea eanaoamasteddjiide ja earáide almmuhuvvon breavaid bokte ja plánamearrádus almmuhuvvo Ságat aviissas vahkus 33.
Áigemearri guoddalit mearrádusa lea hálddašanlága § 29 vuođul biddjon golbma vahku dan beaivvi rájes, go mearrádus almmuhuvvo aviissas.
Čuvgejuvvo vejolašvuođas bivdit maŋidit mearrádusa álggaheami dassážii go guoddalanáigemearri lea nohkan, dahje go guoddaleapmi lea meannuduvvon, vrd. hálddašanlága § 42. Eanet dieđut maŋiduvvon álggaheami ja guoddalanrievtti birra oktan áššedokumeanttaiguin gávdnojit min neahttasiiddusteamet: dás
Mii almmuhat guoddalanáigemeari maŋŋá evttoheaddjái, guoskevaš oassebeliide ja regiovnnalaš eiseválddiide mearrádusa vejolaš guoddalemiid birra.
Buhtadus/ lotnun
Buhtadusgáibádus plána- ja huksenlága § 15-2 vuođul ja lotnungáibádus seamma lága § 15-3 vuođul fertejit leat ovdanbiddjon maŋimustá golbma jagi maŋŋá muddenplána almmuheami.