![](/handlers/bv.ashx/icfbb7fc4-b8a2-4e98-a71d-ea3417c2e82b/w1200/q2718/k60e59c2b598d/miljofyrtarn.JPG)
![](/handlers/bv.ashx/i34bc0f0f-f2b7-4e20-907f-d0144e8c4e4d/w1200/q2714/k0853384def03/r-tek-miljofyrtarn-2024.jpg)
Birasčuovgatoartna birra
Birasčuovgatoardna lea duođaštusortnet birasjođiheamis. Gustovaš sertifikáhta, ahte doaibma ollašuhttá Birasčuovgatoardna-standárdda lea dohkkehuvvon duođaštus das ahte sertifikáhta hálddašeaddji deavdá olu ulbmillaš ja jotkkolaš bargogáibádusaid dálkkádaga ja birrasa ovdii. Duođaštuvvon doaibma deavdá iežas doibmii ja suorgái heivehuvvon eavttuid ja čađaha doaimmaid eanet birasustitlaš, ceavzilis árvogollosiid ja buorre bargobirrasa várás. Sertifiserejeaddji juolluda birasčuovgatoardna- sertifikáhta bealátkeahtes árvvoštallama vuođul. Doaibma duođaštuvvo ođđasit juohke goalmmát jagi.
Vuođđudus Birasčuovgatoartna ovddasvástádussan lea kvalitehtasihkkarastit ortnega, dás maid sertifisereneavttuid ja veahkkeneavvuid. Vuođđudus birasčuovgatoardna ovdánahttá ja doaimmaha Birasčuovgatoardnaportála, mii lea doaimma digitála reaidu dokumenteret iežas birasbarggu ja stivret birasbarggu.
Vuođđudus birasčuovgatoardna kvalifisere ja kvalitehtasihkkarastá maiddá iehčanas konsuleanttaid, geain lea beasatlašvuohta addit ráđiid doaimmaid sertifiserema guvlui. Birasčuovgatoardna ii mange láhkai váikkut sertifiserejeddjiid árvvoštallamiidda ja dárkkisteapmái.
Manin birassertifiseren?
- Birasčuovgatoardna lea konkrehta reaidu, mii veahkeha doaimmaid bargat jotkkolaččat birasbuoridemiiguin ja ruoná nuppástuhttimiin.
- Priváhta doaibmit ja almmolašvuohta bidjet gáibádusaid iežaset árvogollosii ja priváhta olbmot dáhttot dahkat olu eanet ceavzilis válljejumiid.
- Sertifiseren buktá dutnje stuorát gilvalannávcca ja don leat gievrrat fálaldatjearroproseassain.
- Don oaččot buorre bajilgova mearkkašahtti birasoainnuin iežat doibmii ja mo geahpedit dálkkádat- ja birasluoitimiid.
- Vuođđudus Birasčuovgatoardna lea dohkkehuvvon EU:s ja buohtalastojuvvo EMAS:in ja ISO14001:in almmolaš háhkamiid hárrái.