Ohcat sadjásaš ruoktovehkiid (ovttadat ruoktobuohccedikšu) farggamusat, vahku 35 rádjai.
Bargoáigi lea vuossárggas duorastahkii tii. 08:00-15:30, jos eará ii šiehtaduvvo.
Jos du mielas lea miellagiddevaš bargat olbmuiguin, de mii sáhttit fállat dutnje áidnalunddot geasi, goas beasat dahkat erohusa.
Mii dárbbašat du bargoguoibmin, nu ahte váldde oktavuođa!
Mii dárbbašat movttegis ja beroštuvvan sadjásaččaid, geain leat buorit ovttasbargodáiddut, sihke bálvalusvuostáváldiiguin ja joavkkuiguin. Mii dárbbašat du, geas leat buorit návccat bargat vuogádatlaččat ja ulbmillaččat ja nákca háhkat ođđa máhtuid, vai sáhtát leat mielde addimin buriid bálvalusaid. Mii dárbbašat du, geas leat buorit gulahallandáiddut, guldalat ja leat čoavddusáŋgir.
Barggut
Ruoktoveahkki gullá fágaidrasttideaddji ovttasbargui ovttadagas ruoktobuohccedikšu ja oassálastá oppalaš bálvalusfálaldahkii bálvalusvuostáváldiide. Bargguide gullá ovddemustá addit geavatlaš veahki, nugo bálvalusgeavaheddjiid ruovttuid buhtisteapmi. Ruoktoveahkki veahkeha maiddá dárbbu mielde iešdikšui ja persovnnalaš dikšui gullevaš bargguiguin
Ruoktoveahkki bargá bargolisttaid mielde ja duođašta čađahuvvon bargguid.
Gelbbolašvuohta
- Vuodjinkoarta ceahkki B.
- Máhttit dárogiela sihke čálalaččat ja njálmmálaččat. Lea ovdamunnin máhttit hállat sámegiela.
- Bivdit ohcciid almmuhit eará giellamáhtuideaset
- Virgái álgimis galgá doaimmahit dohkálaš politiijaduođaštus.
Bálká- ja bargoeavttut
- Bálká gustovaš šiehtadusaid mielde
- Buorit dáhkádus- ja penšuvdnaeavttut
- Kárášjohka gullá doaibmaguvlui, gos leat ekonomalaš ovdamunit, nugo vearrogeassimat, oahppaloanaid vuolideamit ja hálbbit elrávdnjerehkegat. Eambbo dieđuid gávnnat www.tiltaksonen.no siiddus.
Gulahallan
Váldde oktavuođa čanakeahtes ságastallamii, jos dus leat gažaldagat dahje dáhtut eanet dieđuid virggi birra ruoktobuohccedivššu ovttadatjođiheddjiin Stina Rolstadain telefovnna 920 92 726 dahje e-poastta stina.rolstad@karasjok.kommune.no bokte.