Gaskavahku borgemánu 28. Beaivve galledii SAMINOR jođiheaddji Ann Ragnhild Brodestad, gulahallanráđđeaddi Ánte Siri ja seniorráđđeaddi Egil Thomassen Kárášjoga gieldda. Kárášjoga gieldda bealis oasálaste sátnejođiheaddji Svein Atle Somby, gielddadirektevrra Ronny Berg, gielddadirektevrra bargoveaga jođiheaddji Johanna Unga ja darvvasvuođa ovttadatjođiheaddji Berit Regine Laiti. 

SAMINOR lea dehálamos dearvvasvuođa ja eallindili diehtogálduid gaskkas Sámi ja Davvi-Norgga álbmogis. Ulbmil lea ovddidit buori dearvvasvuođa ja eastadit gillámušaid ja buoridit buohkaide dearvvasvuođafálaldaga. Goalmmát iskkadeapmi, SAMINOR 3, álggahuvvui golggotmánus 2023. 

SAMINOR boahtá Kárášjohkii guovvamánu 2. - 23. beaivve 2025. Buot gieldda ássit 40-79 jahkásaččaid gaskkas bovdejuvvojit oasálastit. 

Jus don bovdejuvvot, de boahtá breava poasttas:

• Dieđut iskkosis
• Neahttasiidu digitálaskovvái. Badjel 70 jahkásaččaide sáddejuvvo bábirlaš ohcanskovvi.
• Dieđut áiggis ja rumašlaš iskkadanbáikki birra.

Lassi dieđut bohtet gieldda ruoktosiidui go iskkadanáigi lahkonišgoahtá.