Manne searvat?

Sátnejođiheaddji Svein Atle Somby ávžžuha buohkaid searvat: -Mun áiggun searvat, ja mun sávan ahte buohkat geat ožžot bovdehusa maid servet. Lea hui buorre gildii diehtit movt álbmogadearvvašvuohta lea. Dan sáhttit atnit ávkin ráhkadit buoret dearvvašvuođabálvalusaid ja birrasa mii ovddida buori dearvvašvuođa, dadjá son.

Movt čađahuvvo iskkadeapmi?

·         Jearahallanskovvi: deavdde digitálalaččat dahje báberhámis.

·         Fysalaš iskkadeapmi: boađe min dutkanstašuvdnii Kárášjoga dearvvašvuođaguovddážis.

·         Mihtideamit: allodaga ja deattu, ja birramihtu seakkáža ja alimiid bokte, váimmu ritmma (EKG), varradeattu ja váimmu ravkasa (pulsa) go leat muosis, giehtačárvema

·         Muhtin oasseváldiin: mihtidit geahppáid kapasitehta (spirometri) , jearrat atnit aktivitehtamihtu ovtta vahku

·         Iskosat: Váldit varraiskosiid ja jearrat oasseváldiin attáše go gožžaiskosa ja vuoktaiskosa

Maid oaččut diehtit iežat birra

Maŋŋel iskkademiid oaččut bohtosa dihto mihtidemiin ja analysain. Oaččut earret eará diehtit iežat allodaga, deattu, rumašmássaindeavssa (BMI), alimiid ja seakkáža mihtuid, varradeattu, váimmu ravkasa (pulsa) go leat muosis, varraproseantta ja guhkesáiggi varrasohkkara meriid. Jus muhtin dáin mihtidemiin čájeha dárbbu medisiinnalaš dikšui, de ávžžuhuvvot mannat doaktára lusa.

Du oassálastin lea stuora ávkin!

Go searvvat, de leat mávssolaš veahkkin dearvvašvuođadutkamii. Iskkadeami bohtosat sáhttet atnot vuođđun buoridit dearvvašvuođabálvalusaid ja buoridit álbmoga oppalaš dearvvašvuođa.

Dat leat deaŧalaš dieđut suohkaniidda, gielddaide, fylkkagielddaide, dearvvašvuođaeiseválddiide ja Sámediggái.

Juohke oasseváldi lea lihka dehálaš, leaččat dál sápmelaš, kvena, dáčča, nuorra dahje boaris, dearvvaš dahje buohcci. Dađi eambbosat leat mielde, dađi buoret ja ollislaš šaddá SAMINOR.

Vuoitte el-sihkkela

Buohkat geat leat servet sáhttet vuoitit el-sihkkela, hárjehallandiimmuid ja eambbo. SAMINOR almmuha go lea vuorbádan vuoittuid ja váldá oktavuođa vuitiiguin. Du persovnnalaš dieđut lea suodjaluvvon ja vuorbádeapmi ii čadnojuvvo vástádusaide dahje iskkademiide.

Praktihkalaš dieđut

·         Goas: ođđajagimánu 30. b. - guovvamánu 18. b.

·         Gos: Kárášjoga dearvvašvuođaguovddážis, Ráđđeviesugeaidnu 5

·         Rahpanáiggit:

o   Vuossárggas bearjadahkii: 09.00-16.30

o   Maŋŋebárggaid ja duorastagaid gitta 18.00 rádjái

o   Lávvardaga 15.b. guovvamánus 10.00-14.00