Sierralobit juolluduvvojit Kárášjoga gielddas gielddastivrra 22.6.2020 mearridan njuolggadusaid vuođul.
Geavat min elektronalaš ohcanskovi ozadettiin sierralobi mohtorjohtolatlágas doalvut gálvvuid ealgabivdui.
Oza elektronalaččat dás. Ohcanáigemearri lea borgemánu 7.b. 2020.
Ohcamat meannuduvvojit meahccelávdegotti čoahkkimis borgemánu 18.b. 2020.
.
Dušše bivdojođiheaddji ohcá sierralobiid bivdojoavkku ovddas. Čále sierralohpeohcamii bivdojoavkku buot lahtuid namaid.
Geahča elektronalaš ohcanskovi deavdinmálle dás (pdf).
Muitte mielddustit ohcamii bivdobáikekártta, masa lea merkejuvvon leairasadji, vai ohcama lea vejolaš meannudit.
Bivdobáikekárttain leat tevdnejuvvon eanemusat guokte bistevaš geinnodaga juohke bivdobáikái ja juohke bivdojoavku sáhttá geavahit eanemustá vihtta vuojána. Lobálaš vuojánat ealgabivddus leat ATV ja UTV. Bivdojoavkkut vižžet kártta, masa lea tevdnejuvvon eanemusat guokte vuodjingeinnodaga.
Bivdobáikekárta gávdno dáppe.
Bivdoleairra sáhttá cegget eanemusat 300 mehtera sierralohpemáđijas ja rabas máđijas. Rabas máđijat gávdnojit dán máđidjakárttas.
Sierralobit ealgabivddu olis leat gustovaččat guoskevaš guovllus 10 beaivvi ovdal bivddu álgima ja 10 beaivvi maŋŋá go bivdu nohká.
Vuodjin almmuhuvvon geinnodagain ii leat lobálaš bivddus, earret leairra ceggema ja leirii dahje leairras vuodjima olis.
Bivdojoavku ferte ohcat ođđa sierralobi, jos molsu bivdobáikki, oktasaš bivdui FEFO šiehtadusa vuođul, dahje jos bivdojovkui lasihuvvojit ođđa lahtut. Kárta ođđa bivdoguovllus mielddustuvvo.
Bivdojoavkkut, mat bivdet Guovdageainnus ja Anárjoga álbmotmeahcis ja mat vudjet Kárášjoga gielddas fertejit ain ohcat sierralobi, maiddái daid ohcanáigemearri lea borgemánu 7. B.
FUOM! Geassevuodjinlohpi ii gusto bivdoguovllus vuodjimii bivddu olis!
Buot bivdojoavkkut leat geatnegasat čorget iežaset maŋis bivddu maŋŋá!