Skeaŋkagirjjit uhca mánáide girjerádjosis ja dearvvasvuođastašuvnnas
Girjerájus ja dearvvasvuođastašuvdna searvaba Sámedikki prošektii Loga munnje! Ulbmilin lea nannet sámegiela, lasihit beroštumi sámegielat girjjálašvuhtii ja movttiidahttit lohkat.
Dearvvasvuođastašuvdna skeŋke girjeseahkaža dearvvasvuođadárkkisteami oktavuođas 2021- 23 riegádan njuoratmánáide. Girjeseahkažis lea girji Riebančivga.
2-4 jahkásaččaid dárkkisteamis mánát ožžot dearvvasvuođastašuvnnas skeaŋkakoartta viežžat nuvttá girjji girjerádjosis. Girjeskeaŋkka sáhttá viežžat maid skeaŋkakoartta haga.
Girjerádjosa skeaŋkagirjjit leat:
2 jahkásaččat ožžot girjji Milli ja Bolfi – Milli jávká.
4 jahkásaččat ožžot girjji Biret duoddaris – Bierit duoddarin – Bræjhta vaeresne.
Maŋemusat rievdaduvvon 03.12.2021 13.52