Muhttašuvvan virusa njoammun Indre Follos čájeha rohttudávdda duođalašvuođa.  Eiseválddit leat ovttas gielddaiguin álggahan nana doaimmaid dáid logi gieldda hárrái;

Enebakk, Frogn, Indre Østfold, Moss, Nesodden, Nordre Follo, Oslo, Vestby, Våler ja Ås.

Tromssa ja Finnmárkku gielddain njoammudilli lea dál oiddolaš. Min gielddat leat bidjan olu searaid cakkadit njoammuma ja čuvvot hui bures TISK- strategiija (testing, isolering, smittesporing, karantene). Muđui dieđihit gielddat dán dili loaktit sakka dearvvasvuođabargiid.

Tromssa ja Finnmárkku Stáhtahálddašeaddji oaivvilda dehálažžan gozihit njoammusuodjaleami, vai gielddaid dearvvasvuođabálvalusain livčče doarvái návccat čađahit ja lasihit boahkuheami dađistaga go fidnet eambbo boahkuid.

Vealtta mannamis dan logi gildii

Dán vuođul Tromssa ja Finnmárkku Stáhtahálddašeaddji ávžžuha ássiideamet vealtat mátkkošteamis dan 10 gildii Oslos ja Vikenis gos leat álggahan liige nana doaimmaid uhcidit muhttašuvvan virusa njoammuma. 

Stáhtahálddašeaddji ávžžuhus lea várrugas doaibma uhcidit riskka ahte muhttašuvvan virus njoammu deikke ja váikkuhit gieldda dearvvasvuođabálvalussii dárbbašlaš návccaid čađahit plánejuvvon boahkuheami.

Gulahallanolmmoš:

Stáhtahálddašeaddji Elisabeth Vik Aspaker, mobiila 48 08 26 93